Яшиләр безнең авылда
Әбиләр һәм бабайлар.
Нинди генә авырлыклар
Күрмәгәннәрдер алар.
 
Безнең дә бар картаясы,
Булышыйк без аларга.
Утын ярыйк су китерик,
Шатлансыннар алар да.
 
Алар кечкенә чактан ук
Баш ими эшләгәннәр.
Кыенлыклар алдында да
Бөгелеп төшмәгәннәр.
 
Сугышларда катнашканнар
Авырлыкларга түзеп.
Яхшылыкларга өйрәник
Әби-бабайдан күреп.

Укытучыларга 200 мең нәрсә өчен бирелә? Укытучыларга 200 мең нәрсә өчен бирелә? Укытучылар көне уңаеннан, Татарстанның 26 укытучысына 200әр мең сум күләмендә премия тапшырылырга тиеш. Шундый эчтәлектәге карарга РФ Мәгариф һәм фән министры Д.Ливанов кул куйган. Әлеге премия һәркемгә дә эләкми. Аны алу өчен нинди өстенлекләргә ия булу кирәк соң? Рәсми таләп бер генә – укытучы мәктәптә кимендә 3 ел эшләргә һәм төп хезмәткәр булырга тиеш. Премиягә дәгъва кылучыларга башка таләпләр: фән буенча шәхси методик кулланмалар, соңгы 3 елда укучыларның югары күрсәткечләре, дәрестән тыш эшчәнлектәге уңышлары, шулай ук автив гражданлык позициясе һ.б. Педагогның балаларның төрле төркемнәре, әйтик, сәләтле, физик мөмкинлекләре чикле укучылар белән эшләү сәләте дә исәпкә алынган. Конкурста катнашучы таләп-шартларның һәркайсы буенча 10 баллга кадәр алырга мөмкин булган. Гомуми баллар ... Дәвамын укырга

2015-2016 нчы уку елында 5 нче сыйныф укучылары федераль дәүләт стандартлары нигезендә укытыла башлады. Татар теле һәм әдәбияты фәннәрен ничек укытырга, заманча дәресне ничек уздырырга, эш программаларын ничек төзергә? Әлеге сорауларга җавапны сез Мәгарифне үстерү институты галимнәре тәкъдим иткән җыентыктан файдалана аласыз.Җыентыкны ФДБС бүлегеннән карагыз.

2015 елда районыбызда яшьләр арасында әдәбият һәм сәнгать өлкәсендә Гариф Ахунов исемендәге премиягә лаеклыларны ачыклау максатыннан бәйге игълан ителә. Ел саен районыбызда талантлы яшьләргә әдәбият, мәдәният, сәнгать өлкәсендәге уңышлары өчен Татарстанның халык язучысы, Г.Тукай исемендәге Дәүләт бүләге иясе Гариф Ахунов исемендәге премия бирелә. 2015 елда да катнашучылар үзләренең иҗат эшләрен Гариф Ахунов исемендәге премия бирү комиссиясенә тәкъдим итә алалар. Иҗади хезмәтләр 20 сентябрьгә кадәр Арча Үзәк китапханәсендә туплана.

Татар теленнән бердәм дәүләт тестларының демовариантлары эшләнгән. Сез аны әлеге сылтама буенча үзегезгә күчереп алал алсыз. Тестларның эчтәлеге үзгәргән!

Чиратлашып килгән күп санлы бәйрәмнәр арасында үзенчәлеклесе, безнең йөрәкләрдә аеруча җылылык тудыра торганы — Халыкара өлкән яшьтәге кешеләр көне бар. Әлеге бик матур бәйрәм уңаеннан чын күңелдән чыккан котлаулар, бәяләп бетергесез хезмәтегез, рухи көчегез, районыбызга булган ихлас мәхәббәтегез өчен рәхмәт һәм хөрмәт сүзләрен кабул итегез!

Сез үзегезне туган илгә һәм районга армый–талмый хезмәт итүгә багышладыгыз. Сезнең тормыш фидакарьлек, батырлык һәм әхлаклык, Ватанга риясыз хезмәт итү үрнәге. Сез рухи байлыкларны һәм традицияләрне саклаучылар, балалар һәм оныклар өчен терәк һәм ышанычлы ярдәмчеләр булдыгыз, булып торасыз һәм торачаксыз. Сез бүген дә сафта: белемнәрегез һәм кыйммәтле тәҗрибәгезне яшьләр белән бик ... Дәвамын укырга