Главная » 2012 » Декабрь » 27 » Укытучыларыбыз тәҗрибә уртаклашты
20:23 Укытучыларыбыз тәҗрибә уртаклашты |
Мәктәбебездә бик матур традиция бар - бер-беребезгә ачык дәресләр уздырып, тәҗрибә уртаклашу. Татар теле һәм әдәбияты укытучысы Һидиятуллина Гөлназ Илгатовна 4 нче сыйныфта әдәби укудан "Дуслык белән көчле без" темасына бәйләнешле сөйләм үстерү дәресе уздырды. Дәрестә бик күп эш төрләре уңышлы кулланылды. Ә иң мөһиме - бер-берең белән дус булып, ярдәмләшеп яшәргә кирәклеге аңлатылды.
6 нчы сыйныфта рус әдәбиятыннан дәрес Некрасов һәм аның иҗатына багышланды. Рус әдәбияты укытучысы Сафиуллина Фәридә Наримановна дәресе лирик әсәргә анализ ясауның матур үрнәге, өлге дәрес булды. Укучылар әсәрне бүлекләргә бүлделәр, исемнәр куйдылар, сурәтләү чараларын табып, төрләрен билгеләделәр.
Гомумән, һәр дәрес яңа, үзенчәлекле, аннан нинди дә булса яңалык аласың, тәҗрибә туплыйсың. Укытучыларыбызга бик зур рәхмәт, яңадан-яңа иҗади уңышлар телибез!
|
|
Просмотров: 643 |
Добавил: Pedagog
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ] |
