Бүген, 14 нче апрельдә Яңа Кырлай урта гомуми белем мәктәбендә VI республикакүләм Тукай укулары үтте. Укуларда республикабыз районнарыннан 142 укучы һәм укытучы катнашты. Шушы дәрәҗәле бәйгедә мәктәбебезнең 7 нче сыйныф укучысы Вилданов Адель "Шүрәледән башланган иҗат" эзләнү эше белән 2 нче урын яулады. "Бакый Урманче һәм Тукай иҗаты" юнәлешендә эшләнгән әлеге хезмәт  аша олуг шәхесләребез иҗаты белән кызыксыну гына түгел, туган телебезгә ихтирам, хөрмәт хисләре дә тәрбияләү күздә тотыла. Укучыбызны чын күңелдән котлыйбыз һәм  иҗади уңышлар телибез.