"Белем җәүһәрләре” бәйгесенең оештыру комитеты бәйгенең рәсми сайтында (http://konkurs.belem.ru) үзенең кулланучыларын бәйгенең финалистлары белән таныштырды. Бу исемлектә бәйгенең җиңүчеләре дә, лауреатлары да бар.
Быелгы бәйгедә 49 интернет-проект арасыннан финалга барлыгы 25 проект чыккан. Оештыру комитеты әлеге исемлектәге финалистларны, эшләрне бәяләүдә катнашкан жюри әгъзаларын, башка еллардагы "Белем җәүһәре” премиясе ияләрен, иганәчеләрне һәм журналистларны – барысын да 12 октябрь көнне 11.00 сәгатьтә Галиәсгар Камал театрының кече залында көтеп кала!