Хөрмәтле татар сайтлары авторлары, татар интернеты белән кызыксынучылар!

Халыкара "Белем җәүһәрләре" бәйгесенең финалистлары ачыкланды.   Бәйгедә барлыгы 64 интернет-проект катнашты. Шулар арасыннан финалга  45 интернет-проект узды. Финалистлар исемлеге белән биредә таныша аласыз-"Белем җәүһәрләре" бәйгесенең финалистлар исемлеге. 

VII Дөньякүләм "Белем җәүһәрләре" бәйгесе җиңүчеләрне бүләкләү тантанасы үткәрелү датасын хәбәр итте. Тантана 2 ноябрь көнне Г.Камал исемендәге Татар дәүләт Академия театрының кече залында үткәреләчәк. Тантана 11:00 сәгатьтә башлана. Тантанага бәйгенең финалистларын, жюри әгъзаларын, узган еллардагы җиңүчеләрне, матбугат һәм телевидение хезмәткәрләрен һәм татар интернеты белән даими кызыксынган татнетчылар чакырулы!