Кадерле хезмәттәшләрем,  әниләр- әбиләр, апалар! Сезне чын күңелдән иң күркәм бәйрәм — Әниләр көне белән тәбрик итәм!

Дөньяда иң яхшы хатын-кыз — әниебезнең йомшак куллары, аның ягымлы, барысын да аңлаучы күзләре турындагы истәлекләрне без үзебезнең күңелләребездә саклыйбыз. Һәрберебезнең иң назлы, ихлас хисләре шушы кадерле кеше белән бәйләнгән. Әни булган җирдә һәрвакыт җылылык, яктылык һәм наз бар. Ул теләсә кайсы вакытта, иң авыр хәлләрдә дә һәрвакыт яныбызда: тынычландыра, ярдәм итә, хаталардан саклый. Бүген бу бөек хезмәткә лаеклы бәя биргәндә без улларын һәм кызларын аякка бастыру, аларга үз юлларын табуда ярдәм итүдә күпме көч, батырлык һәм сабырлык        кирәклеген бик яхшы аңлыйбыз.

Әлеге бәйрәм көнендә мин әниләребезгә һәм булачак әниләргә чын күңелдән рәхмәтемне белдерәм.  Балаларыгыз һәрвакыт сезне яратсын! Алар үзләренең уңышлары һәм бәхетләре белән куандырсын! Сезгә сәламәтлек, шатлык, иминлек һәм гаилә җылысы телим.