11-13 нче февраль көннәрендә "Регина" кунакханәсендә татар әдәбиятыннан республика олимпиадалары булып узды. Укучым Һидиятуллина Гөлиянең җиңүче булуы нур өстенә нур булды. Гомумән, олимпиада бездә, Арча кызлары Ләйсән, Фирүзә, Гөлиядә зур канәгатьләнү хисләре уятты. Шулай булмый ни, ял бик яхшы оештырылган иде. Гәүхәр Габдулхаковна аеруча тырышкан. Яраткан язучыбыз Нәбирә Гыйматдинова белән очрашу, Ялкын журналында эшләүчеләр белән кызыклы уеннар, Сәләт лагерендагылар белән онытылмаслык кичә безнең күңелләрдә бер матур истәлек булып калыр. Рәхмәт аларга барысы өчен дә.