2 нче февраль көнне мәктәбебез базасында тарих укытучыларының семинары булып узды. Семинар барышында ачык дәрес күрсәткән укытучыларыбыз Рамил Харисович Гарифуллин, Эльмира Рашидовна Хайретдинова, Гөлнара Рафис кызы Гарифуллинаның эшенә зур бәя бирелде. Әфган сугышына багышланган ачык чара һәрберебезнең йөрәкләренә үтеп керерлек итеп оештырылган иде. Семинарның икенче өлешендә мәктәп директоры Фәнис Фоатович мәктәп эшчәнлеге белән таныштырды. Килгән укытучылар дәресләргә анализ ясадылар, БДИ на кагылган үзгәрешләр хакында фикер алыштылар. Семинарны Арча мәгариф идарәсенең әйдәп баручы белгече Лилия Мәхмүдовна алып барды.